I Alina Šerban, i angluni romani redžizorka ko Nacionalo Teatro Bukurešti

I Alina Serban si i angluni romani redžizorka kaj thol andi scena ko Nacionalo Teatro Bukurešti. Lako angluno spektakolo, „I maj lačhi čhaj opral i phuv“, sas sikavdo ando 21, 22 thaj 23 januari 2022.

I Alina Šerban, i angluni romani redžizorka ko Nacionalo Teatro Bukurešti

Roma people now have the chance to read content online and provide translations in their own language. And it can make all the difference

I Alina Šerban aresel i angluni romani redžizorka kaj thol andi scena ko Nacionalo Teatro Bukurešti, jekhvar le anglune sikavimasa katar „I maj lačhi čhaj opral i phuv, jekh spektakolo kaj thol andi scena jekh romani paramisi – kodoja pal o dživipe le autorkako. „I maj lačhi čhaj opral i phuv sas sikavdo angluno drom ando 21, 22 thaj 23 januari, andi Tikni Sala katar o Nacionalo Teatro, ando programo 9G, kerdo vaš e terne teatroske autorja.

Kadja o teatro ramosardo thaj kerdo katar i Alina Šerban „I maj lačhi čhaj opral i phuv phenel i paramisi jekhe romane čhajaki savi, pal so nakhel andar o čororipe thaj ačhjol bi dajako thaj bi dadesko, arakhel i zor te del rigate jekh adžukerdo dživipe. Džandos pal o lav kaj dinjas les peske dajake, te ovel i maj lačhi čhaj opral i phuv, voj aresel opre, geli pal pesko suno te sikljol ande maj lačhe škole. O teatro del duma pal i zor, e zumavimata te kerel pačja le nakhle vaxtesa thaj peske identitetasa, peravindos manušikanimasa thaj hatjarimasa e stereotipurja phangle ke roma. 

„Si jekh bari pakiv thaj, ande sa kodoja vrjama, jekh responsabiliteta te anav jekh teatrosko spektakolo ramosardo, kheldo thaj kerdo katar jekh romni ko Nacionalo Teatro. Manglem kado vaš mire purane phure, save ande pengi kontribucia ko vazdipe kadale themesko thaj savenge paramisja na džanas len thaj na das pakiv pal lende, vaš e avdivesutne roma save adžukerav te lošaljon te dikhen  jekh paramisi sar kadaja thaj e gadže kaj si te arakhen pen ando manušikano universaliteto le paramisjako. 

Na dikhlem nijekhdata paramisja pal amende, e roma, ko teatro, ando filmo vaj andi media ande savende te arakhav man. Kamavas kaj „I maj lačhi čhaj opral i phuv te anel pašjarimata maškar amende. Miro cilo sasti vrjama sas te anav sastjaripe vi mange thaj vi akalavrenge, thaj kana šaj, te anav jekh lačho paruvipe, vaš miri arta. Deklarisardja i Alina Šerban.

O spektakolo „I maj lačhi čhaj opral i phuv si jekh produkcia kerdi katar o Centro vaš i Kreacia thaj Rodipe Ion Sava ando parteneriato le Asociaciasa Biphende Paramisja, ande kolaboracia le Fundaciasa UiPath thaj financialo džutimasa katar le Šerutne Forosko Municipaliteto vaš o ARCUB, ando Programo Bukurešti – Putardo Foro 2021.

I Alina Šerban si romani aktrica, dramaturga, scenaristka thaj direktorka vaš teatro thaj filmo. Si i angluni dženi andar peski familia kaj agorisardjas o liceo, nakhindos andar jekh baro čororipe, diskriminacia thaj andar o sistemo vaš i protekcia le čhavengi. Agorisardjas e studie ko UNATC Bukurešti, New York Universiteto Tisch thaj nakhljas o mastero ki Royal Akademia vaš i Dramatično Arta andar i Londra. Sikavdjas pes angluno drom le xarne filmosa „Lil jertisarimasko – o angluno projekto filmosko pal i sklavia le romengi, prezentisardo andar jekh perspektiva romani, savo liljas jekh Specialo Mothovipe ko TIFF, Maj Lačhi Narativo Direktorka ke Džuvlikane Glasurja Rock – SUA. Ando decemvri 2021, o dujto xarno filmo kerdo katar i Alina Šerban, „Me sem dikhli, liljas o baro prizo ko Torino Xarne Filmosko Marketo. I Šerban liljas prizo štar dromar sar i maj lačhi aktrica vaš o rolo kerdo katar i Ali andar o filmo „Gipsy Queen' (Gipsy Rajni).

Urmăreşte cel mai nou VIDEO incărcat pe elle.ro
Recomandari
Antena 1
Publicitate
substantial.ro
Unica.ro
Mai multe din advertorial